Odon Elorza Loiola Ibaiertzeko geltoki garraioanitza bertan behera uztearen alde

Donostiak azpiegitura arloan zuen egitasmo garrantzitsuena baztertu egin du Odon Elorza alkateak. 2003. urtean bere hauteskunde programan eskatzen zuen Loiola Ibaiertzeko geltoki garraioanitza bertan behera utzi eta Norteko geltokiaren ondoan autobus eta berebiltzentzako lurpeko aparkaleku baten alde agertu da alkatea.

Aparkaleku hau Tabacalera, Norteko geltokia eta Urumea arteko hirukian eraikiko litzateke eta hiru solairuetako sakonera izango luke (bi berebilentzat eta beste bat autobusentzat). Denera geltoki garraioanitzak baina 7 autobus gutxientzako tokia izango luke gainera (29etik 22ra).

Halaber, autobus eta auto gidariek Donostia erdialdeko trafiko arazoak pairatu beharko dituzte, Erdialdea are gehiago kolapsatuz.

Aipatu beharrik ez dago ere modu honetan ezingo dela Euskotren eta etorkizunean eraikiko litzatekeen tranbiaren lotura bermatu.

Alkateak autobus lotura azkarra iragarri du Norte eta Amara artean baina, nola bermatuko ditu bi trenen arteko lotura azkar eta orduzkoak Erdialdean izango den trafiko nahasiarekin? Gai izango ote da Udala zerbitzu hori dohain eskeintzeko?

Geltokiaren eraikinak ere ez du batere batere onurarik ekarriko, zaharra eta txikia baita Loiolako Ibaiertzeko geltoki garraionanitzak suposatzen duen geltoki moderno eta berriaren aldean (Norten egin ditzateketen nahi beste berriztapen eginda ere).

Lehenik alkateak AHT hiriaren erdialderaino eramatea lortu zuen; Orain AHT Norten izanda Loiolako Ibaiertzeko geltokiak zentzurik ez duela dio. Donostiako egitasmo handienetako bat zulora, hainbat eta hainbat urte lanean igaro eta gero. Horrela egiten da lan Gipuzkoan, antza denez.

Espero dut Bilbon Abandoko geltoki garraioanitz moderno eta handia, hurrengo hamarkadako Bilboko egitasmo handiena, irekitzen dutenean, Odon Elorzaren hitzik entzun behar ez izatea Donostian egiten ez den guztia Bilbon egiten dela eta ez dela.